CURSO DE ESPECIALIZACIÓN EN XESTIÓN DE OBRAS DE REHABILITACIÓN

O incremento de actuacións de rehabilitación ou reforma de edificios existentes está xerando novas oportunidades de emprego cualificado e estable para empresas e persoas traballadoras da industria da construción.

Coñecer a tradición e as técnicas actuais de construción e xestión é necesario para que calquera rehabilitación sexa respectuosa cos núcleos históricos e co seu contorno sociocultural.

O Curso Superior de Especialización en Xestión de Obras de Rehabilitación (CEGOR) aborda os seguintes aspectos:

• Materiais e técnicas construtivas en rehabilitación.
• Xestión administrativa e económica das obras.
• Instalacións e eficiencia enerxética nas obras.

Con este curso, de 300 horas de duración, a Fundación Laboral de la Construcción ofrece diversidade de recursos, combinando clases teóricas, obradoiros prácticos e visitas externas. 

A presente edición está parcialmente subvencionada polo Consorcio de Santiago dentro das actividades formativas de posgrao orientadas á formación en rehabilitación e restauración de técnicos no exercicio 2026. (BOE núm. 8, de 09 de xaneiro de 2026).